Университет жаңалықтарына жазылыңыз - Polytech@LIVE

 

Жеткізілім бөлімін таңдаңыз:

 

АТОМ САЛАСЫНА МАМАН ДАЯРЛАУ

Қазақстанда МАГАТЭ-нің аз байытылған уран банкінің іске қосылуы аталған металды өндіру мен өңдеу, сақтау саласының дамуына тың серпін береді. Ядролық қауіпсіздік, атом секторлары үшін халықаралық деңгейде өз мамандарымызды дайындауға мүмкіндік туады. Әлемдегі жалпы уран қорының 15 пайызы қазақ жерінде орналасқанын ескерсек, жоғарыда аталған жағдайлардың барлығы еліміз үшін аса маңызды. Бүгінде Қазақстан 50-ден астам кен орнында уран өндіріледі. Қаныш Сәтбаев атындағы Қазақ ұлттық техникалық зерттеу университеті биылдан бастап атом өнеркәсібі мамандарын даярлай бастайды. Білім ордасы «Қазатомөнеркәсіп» ұлттық компаниясымен бірлесе кадрлар оқыту туралы келісімшартына қол қойды. Уран өнеркәсібінің мамандары енді жаңадан құрылған Халықаралық атом өнекәсібі ғылыми-оқыту орталығында оқытылмақ. Суденттер ұлттық компанияда тәжірибеден өтіп, ұтымды жобаларын өндіріске енгізуге мүмкіндік алады.    

БАУЫРЖАН ЫБЫРАЕВ, «ҚАЗАТОМӨНЕРКӘСІП» АҚ ӨНДІРІС ЖӘНЕ ЯОЦ БАС ДИРЕКТОРЫ:  

- Біріншіден, өзіміздің мамандардың білімін көтеру, деңгейін көтеру. Үлкен практикалық жұмыстар өткізу. Шетелдік жетістіктермен танысу. Соның бәрі осы орталықтың көмегімен оқытылады.  

ИСКАНДЕР БЕЙСЕМБЕТОВ, Қ. СӘТБАЕВ АТЫНДАҒЫ ҚАЗҰТЗУ РЕКТОРЫ:  

- Біз мамандарды дайындауды үш салаға бөлдік. Олар: автоматтандыру, металлургия мен геология. Аталған әрбір сала бойынша жылына 20 маман дайындаймыз.  

Оқыту жүйесі заманауи білім беру ісінің инновациялық әдістемесінен ғана құралмайды. Ұлттық атом компаниясының ардагерлері мен қызметкерлерінен құрылған «Ақсақалдар кеңесі» профессорлар қауымдастығы ұстаздық етіп, студенттермен тәжірибе мен білімдерімен бөліседі. Ал Өскемендегі техникалық жоғарғы оқу орнында ядрофизиктерді даярлайтын кафедра ашылады. Онда уран өндірісінде жұмысты енді бастаған жас мамандар мен университте металлургия бағыты бойынша оқып жатқан студенттер 4 курсты бітірген соң магистрлікке қабылданады. Атом-энергетика саласында жаңадан даярланатын мамандар әлемдегі озық оқу орындарының бағдарламасы бойынша білім алады. Тек Қазақстан емес, шетелдіктердің де білім алуына мүмкіндік бар.  

ТАМАРА СЕГЕДА, ФИЗИКА-МАТЕМАТИКА ҒЫЛЫМДАРЫНЫҢ КАНДИДАТЫ:

 - Оқу бағдарламасы әлемдік тәжірибе бойынша жасалғандықтан халықаралық кафедра  саналады. Сондықтан ең негізгісі білікті маман даярлау. Бұл мамандар ғылыми-зерттеу және өнідірстік бағытта білім алатындықтан  ашық және ешқандай шектеу болмайды.  

Атом энергиясы жөніндегі халықаралық агенттіктің төмен байытылған уран банкі Үлбі металлургиялық зауытының базасында орналасады. Жоспар бойынша оны алдағы тамыз айында іске қосу жоспарланған. Сол кезде Үлбі зауытында 90 тонна аз байытылған уран сақталатын болады. Банк МАГАТЭ-ге мүше-мемлекеттердің атом электр станцияларына ядролық отынды жеткізіп отыруды қамтамасыз етеді. 

Ақпарат көзі: kazakh-tv.kz
728
24 мамыр 2017
Наверх